الرئيسية
الفيس بوك
من طرف لا تحط بيدي الشمس واحلامي بيد و لا تهيج عالفقيرجروحه
ولا تكلي بعسرك ويسرك اعيش وانت قصرك للسمه يمد روحه
عوفني بحالي ترى انه بلية ايد وانت شباجك زحل ما الوحه
شلون ما تدري الحلم جرح الفقير ما تشوفه احلامه كد جروحه
روحي مذبوحة ذبح وتريد اطير امنيلي حظ يطير المذبوحة
لاتأملني بحجي الما جاسه ضيم جفي بقلوب السمه المفتوحة
و حظي دك ثبات بجناح الفقيرلا يصعده و لاينزل سطوحه
انت بعدك ما نمت فوق الحصير و غمست لكَمة ملح بملوحة
لا تلامسني بطرف صدرك أذوب انه من دم و لحم مو لوحة
و لا تمرجحني برمش عينك أخاف انه ما شايف رمش مرجوحة
و لا تكلي اتمرجح شمالك تخاف جنت اريدك للسمه توديني
بس اخافن ينكطع رمشك و اطيح و باجر تكلي طحت من عيني
روح دورلك محب يرهم عليك انه قاموس العشك طاويني
ما عشكَتك واحنا بالطيش استحيت اشلون احبك من تجي تلاثيني
خلني راضي بفقري وانت ارضى بغناك وعوف عيسى بدينه وانه بديني
ولوخلاني الوقت بعت اللحاف يعني هسة بكيفي أمد رجليني
لكن ادري بدربي عن دربك بعيد ومن زغر هذا الفرق بجاني
انت دفاك الثلج عن لا تموت وانه ميت والثلج دفاني
وانت كاروك الذهب ما كفى اديك وانه كاروك القصب كفاني
وحتى لا احلم وامد جفي لسماك وانه ارضع كمطوا ذرعاني
وعن محبتك والله ما شدني الحديد هذا رمشك يا ترف شداني
والله احبك من زغر بس ما حجيت جنت اريدك تنسعد وي ثاني
ومن اجيت بلهفتك تسأل علي قلبي كله تمرجح بشرياني
تالي من غصبن علي كتلك نسيت روح دورلك محب وانساني
توسلت بلساني يحجيهة و تروح و من رحت عني قطعت لساني
انه كتلك لاتجي وجي ما اجيت راحت ببابك تدك بيباني...........
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج