مجموعه من الابو ذيات
الشاعر حسن ساس
من دونك كلبي بألم شعر بيه
والشيب اكل راسي وماضل شعر بيه
اكتبت الحزن قصيده وشعر بيه
افرح بالحزن والحزن يقهر بيه
داعي عليك ومتنخي علي ولينه
كلبك وياي بس طري ولينه
مو جنت لك مثل عدنان ولينه
ونته مثل ساسوكي شو صاير عليه
حبيبي وجان لجروحي دوه لي
هم ترد النوب واكلك دولي
مو تكسي انته قطار دولي
لأن كل ساعه وتحب عشره سويه
تحله بجمالك حيل وهواي تحله
انه السكر كتلني ونته علي تحله
الكلب اسير وما اضن راح تحله
وبس احضه بيك اعلمك شنهي المنيه
غششتك بروحي دغشنه
ونعلمك الصدك من دغشنه
اسلوبك مره علي دخشنه
انته الثلج والنار احطلك بديه
لجل عينك اعوف الدنيه وناسي
وتروح فدوه الك هيفه وناسي
لا تضن تاه الوعد مني وناسي
واليدخل بالكلب معناه اليه
صيطره للقهر بالكلب نقطه
بحر الحزن والفرحه نقطه
قلمنه اشما كتب من ضيم نقطه
ونكله اكتب كلمتك بالكلب شضيه
من العشك بس القهر ضل منه
وبجه حته الصخر من ضلمنه
مو جنه نور وبسرعه ضلمنه
غبره دنيانه وتحمل الطيب اذيه
لغير ضحكتك ماتسمع اذاني
وبفركتك حيل الكلب اذاني
كلي لمنو رايد تحب اذا آني
مجنون اصير بفرحتي واموتك بديه
حبيبي بالكلب والكلب مال احنه
وتضوك العسل مــــــن مالحنه
نمد ايد على النجم بس مالحنه
ونزل النجم من عرف هذه الك هديه
مرن كلبك عله الطيب مرنه
ومل حته الصبر من مرنه
بيومك لو رحت ارجوك مرنه
واخذنه وياك لحد المنيه
تحياتي للجميع
عدل سابقا من قبل حسن ساس في السبت أكتوبر 16, 2010 10:18 pm عدل 1 مرات
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج