يا غريب امك تنادي والله محتاجه اني ليك
أرجع أرجع من غربتك كلبي ينشدني عليك
ما أنام الليل يبني لصبح بس احچي بيك؟؟
كل اخوتك يمي نامو بس مكانك خالي أنته
أدري مو بيدك ييمه هل وطن مغصوب عفته
يمه بعدك هجرونه اوحال أهلك خله سكته
يمه ابوك انكطع راسه اومات اخوك ابيوم حنته
اوحينه من الناس فارغ شيعته راحت اوسنته
والفرح مات ابلدنه
والضحك أصبح دمعنه
يمه موتو كل حلمنه
اونارهم شعلت وطنه
اوصار نار اوهو جنه
مو سوالف أني شفته
شفته بعيوني ييمه هالوطن طاحت دمعته
اومحد الي مسح دمعة للأسف كلهه متشمته
بالعراق الوكف ألهم بالشدايد وانطه همته
اوصار ألهم أقوه تچوه اوما منع عنهم سفرته
أوهسه محد عنه يسئل ليش مختفيه ضحكته
أوليش محد داوه جرحه هاي من الله قسمته
مبتلى المؤمن يكول أوهالوطن مؤمن ابخته
بخته مو من هسه مايل امن التتر لسه اعله ونته
العلل كلهه الهه چار والوحيده المالهه علته
يبني احلفك بالحليب المني يا يمه رضعته
ترجع الخاطر وطنه بيك بلكي اتخف محنته
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج