دراميات للشاعر نشات الخالدي

دراميات للشاعر المتالق نشات الخالدي يا رب تعجبكم
ماحبك اني اشلون ميت بحبك .... ترد روحي عشر سنين لمن احظنك


لمن احضنك حيل تبرد حسرتي ...وبيدك تطفي النار وتمسح دمعتي


دمعاتي دوم اتسيل لمن اذكرك ...رايد اشمك حيل وبصدري اضمك


بصدري اضمك ريت واغفى على صدرك...واصل صدك للموت من اشم نحرك


من اشم نحرك ليش اخرب واذوبن... ترعش اجدامي اتصير مابيه اكومن


مابيه اكوم ولا اكدر اجيلك ... انشد عليك الناس يا ولفي وينك


يا ولفي وينك ليش غايب عليه... ردتك تجي واتشوف اشصار بيه


اشصار بيه اشبيك ماتدري انته ...راح الكلب وياك بيدك اخذته


بيدك اخذة الروح والكلب عفته ... ضل يبجي تالي اليل جيا ما خذته


جيا ماخذته وياك كلبي السكنته ...لا تدفع انت ايجار ضل كاعدا نته


ضل كاعد انته اشبيك خل منك اشبع... احضنك عشر مرات ولتصدك اقنع


لتصدك اقنع لا وابرد واعوفك مادري... ليش اتذوب روحي من اشوفك


روحي من اشوفك ليش ما احس بيها... ومنتقترب يمها اتصير تفقد وعيها


تفقد وعيها الناس من يشوفونك...كلهم تره يروحون فدوه لعيونك


فدوه لعيونك هاك اعيوني ذني... وفوكاها حته الروح يا اعز مني


يا عز مني افديك يا اغلى محبوب... صبر الصبرته عليك خلصته هينوب


هينوب ماضل صبر واصبر واتاني ... كلت انتهت وياك مدري شجاني


مدري شجاني وروح كتلك يغالي... اصبع ندم عضيت وابجي على حالي


ابجي على حالي ادموم ما ابجي ادموع... من كلت روح وياك انتها الموضوع


موضوعي انتها وياك يوم العفتني ... هسه اشكثر مرتاح من فاركتني

عاشت ايدك حمودي يا ذهب مواضيعك بكل صراحه كلش حلوه