الرئيسية
الفيس بوك
من طرف فتحت ابواب للحب كلش هواي
بس كلهن الك اني افتحتهن
وانته يا حبيب الروح تختار
بس مسموح الك انته ادخلتهن
انه الي عمري بس وياك محلاه
......وايام الفرح انته اكتبتهن
ماريدن فرص بس كونك وياي
الفرص من دونك انته خل اردهن
اعاند دنيتي واتلاوه بهواك
هواك انته صراعاتي العشتهن
ياما اضحك وبالاصل مهموم
وجراحاتي بغيابك هل نزفهن
بس من اذكرك وايامي وياك
انه بذكره المحبه دوم اشدهن
وحك عيونك ورمشك يمحبوب
تظل ساكن باشعاري انته كلهن
اراهن بيك وادري تبيض اوجوه
ورفعتك بين كل الناس رايه
احتمال الدنيا تمطر يوم بالصيف
واحتمال البحر يخلص يوم مايه
بس ماكو احتمال بيوم انساك
...لان انت العمر وانت النهاية
ما اضمنه روحك من تضل وياك
اغار وغيرتي كامت اضعاف اتزود
افكر بموتتك غيره اشتعل كل يوم
ومن هسه حرب شنيت وي الدود
احله الكمر منك ياهو كلك هاذ؟؟
...انه عندي حديث بحقك ومسنود
الكمر صاح الشمس وثنعش كوكب جاب
سجدولك وليلك عنده عشر اشهود
حطهم والكمر نزل رتبته وصار
من ذاك الوكت وي النجم معدود
ولا يوسف جماله ايغرك انته اشبيك
ربك كملك وشتغل يوسف عود
يبو سود العيون الناس متوهمين
من ابو اعيون الخضر كالو ولا موجود
ربك من خلقهن عنده بيهه احكام
راد ايراوي ناسك من خلقهن سود
ومو من طين ربك خالقك من ماي
لان سر الجمال البيك ماله حدود
من زغرك ترف ويلولي بيك الريح
تقنعني انته بمك كمطتك عود
اليركز عليك ايصير عنده اشكال
وعلى حاله الطبيعي ما يرد اردود
(من شر الحسد قل ربي اعوذاً بيك)
على وجهك اكتابه ايشوفهه الحاسود
كلك معجزه ومختلف بالاوصاف
عند الناس مثلك ماكو شي موجود
اخدود شلون كالوا عنده غلطانين
(بل شبه لهم) ضنوا هذني اخدود
وانه اضلمهن اخدودك من اكول ورود
شغلهن بي حداثه اعتقد شغل اجديد
يل جنك حزب بايك جمال الناس
دوخنه جمالك غير كون اتهيد
كمر لابس عبايه الصبح شفتك
هيج
وانه ميزت صوتك جان بي تغريد
وشفتك تدعي الله ودخت بيهه
اهواي
اريد اعرف المثلك شنو من الله يريد.............
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج