الرئيسية
الفيس بوك
من طرف تجيني من بعد هجرك تكول hi
تشوف الدمعة بعيوني و الف why
حعوفك و ابتعد عنك و اكول bye
وبعد لتفكر ابد تسال علية
يا بعد أهلي وگرايبنه وناسي
چذب من گال ساليكم وناسي
صرت دوباره من بعدك وأنا سي
ربطت الدومنه وماتت بديه
الورد لو شم عطرك يكفر بدنياه
ويعوف الحديقه ويغرس بعودك
يمعود دخيلك حن عليه شبيك
مو ذبلت اشفافي بشوفت خدودك
صباحك ياورد ولصبح منك غار ...
...لأن انت الجمال وياك يتشـــارك ...
...ما أكدر اوصفك يعـجــــز التعبير...
...أخاف من الوصف وياي يتعارك
يحسدوني لأن دار القمر جاري
ويضل نهر الدمع بعيوني جاري
فراشة وهاجرت وردي وأشجاري
وطارت فضلت غيري عليه.......
تــــــــــــريد انساك حاضر باجر انساك
شرط لعلمتني شلون اعوفـــــــــــــك
خاطر ما اشوفك بعت العيـــــــــــــــون
وبعيون الكــــــــــلب ظليت اشـــــوفك
الك اجمل رساله ابعث وأرقها
حبرها دموعي وگلبي ورقها
يلمسبب سهر عيني وأرقها
عزيز وشوفتك صعبه عليه
اتعارك يا حلو لأجلك واطك طك
وللحساد أذب حرمل واطك طك
أفرح من تراسلني واطك طك
وطك اصبع من تسال علية
ومضـــات
- - - - - -
لخــوي آنه چنــت خادم زغيــرون
ولا مــرّه نخـانـي و گتلــه آســف
وكت الشــدّه ردته يصيرلي حزام
صــار حــزام بــس حـزام ناســف
وجــهــك نــور ســاطـــع نـــوّر النـــاس
و عيـونـك خــوات الشيـعــه و السنّــه
بعدونــي إعلـه شفتك چن دخلت النار
شوكت تنطيني بوسه و أدخل الجنّه؟؟
لا تخــلّيــلــي ملــح و تگـلّــي نـــام
هيّــه يا عيـــن إلتغمّــض عالملـح؟؟
و لا تگلّي شبيك شو ما مستراح؟؟
و إنتــه وســط چـلاي زارعــلك رمــح
تعال احفر بصدري وگلّي شنهو تشوف
راح تشــوف مــيــت يـحـفـــر بگـَـبــره
جـــرح البيــّه لا مو بــس جــرح سجين
جرح كلــمــة اروووح .. انسانـي بالمرة
منـو المنكم يگضي الليـل مرتاح؟
ومنو بشفافه باني للضحك بيت؟
يشــردن مني سالوفــات الافــراح
وحتى الصبــر ضاج و گـلي ملـّيت
مو كلمن يهملك يعني ناسيك
ولا كلمن يذكــرك يعني يهواك
اكو وياك كاعـد بس كلبه لبعيد
وانه بعيــد لكن كلبــي ويـــاك
اسجد من اشوفك واشكر السواك
خلي بماي شوكك روحي تتوظة
يل من طين واكفر لو كلت من طين
بس طينك ذهب ومطعــم بفظة
دور وجهك فدوه عن عيني انعميت
انـت وجهـك مــوطبيعــــــــي بنوره
سولفوا عنــك كبل ماصدكــــــــيت
ومن شفت وجهــك لكيته اسطـوره
اطيني خدك !! ها؟ ولو زحمه عليك
...خل اضوكه بريجي احس مــروره
ابوسك بالحلم واعلن صيام أسبوع
طعم شفتك دوى ويمنــع شهيتي
إذا أبوسـك صدك راح اضعف هواي
لأن راح ابــقى صايـم حـد منــيتـي
گيمر جنها شفتك والحلگ ماعــون
والخـــد العليك تگـــــــــول كاهيــه
المن جاي يمي وانه الك جــــوعان
جيتك هاي حرشه لـو حسن نيـــه
شايف من اكظك !! إلا أكفـــــر بيك
وماخلي أ علـى حالك منك شويــه
مو كلمن فتحلك باب يهواك
ولا كلمن يكرهك بابه ينسد
اكو مسدود بابه وكلبه مفتوح
واكو مفتوح بابه وكلبه اسود
دارمـيـات
- - - - - -
قـشــمر جـميع النـاس بـس آنه لاله
چـذبـك صُبـح مـكشـوف دوّر بـدالــه
تدري شوكت انساك يا اغلـى مني
من تسمـع بـ إيـران يحكمهــا سني
بالگلب سبع اسهام حيل أوجعني
بيهن سهم فرگــاك هــوه الكتلني
بوسـّني فرصة اليــــوم ليش انت خايف؟
هو الله بــس للبـــوس ســوى الشفايـف
متكلي بالله شلون تاليهه وياك
افرح واكولن راح واكبالي الكاك
افرح واكولــن راح بــس لا يجينــي
ثاري انه رحت وياك ما ترضه عيني
ثاري انه رحت وياك غصبن عليه
ابدمّــي حُبــك صـار و بكل خليه
أحسـب واعد ايــام وانطر اشوفك
امسحهه من البال مال انه اعوفك
امسحهـه من البال مال انه انساك
للموت اضل يهواي صدگني اهواك
من كلشي اغار عليك ويغثني كل شي
كسر بجمع ما أريـــــد وي غيري تحجي
ألابـوذيـة
- - - - - -
حياتك يا العراقي اصبحت لاغاز ....... لـُغـز
وعمرك من غـزو تگضيـه لا غاز ... إلى غزو
لا نفطـة التصّـح بشتـاك لا غاز ... ماكو غاز
ويه الكهرباء راحن سويه
عدي سنين هجـرج عــدي ميـّات
الـ عنـّي يروح مثــل العّـدى ميـّات
وآنه هــــواي مثلــج عنــدي ميـّات
وشرط كل وحدة منهن تسوى مية
ولاء الكـــون مــا يحـمــل ولانه
و لا انــت الخـنــت بيــه ولا آنه
فـارگـنـه الــزمــن وليـــه ولانه
و لا خلانه نتلاگه سوية
اليلومـك دوم يبعــد ما يقارب
وعشرتنا يا غالي ماي وقارب
تدري شكـد احبـك؟ ما يقارب
بكثر كتاب شعر الجاهليـه
من فركـاك نهــر دمــوع صبيت
والك تمثال وسط الكلب صبيت
أصب الجــاي و كلاصين صبيت
أحسبك كاعد ونشرب سوية
بقينه بعش حزنه وما نقلنه
وحجي الوادم لوادم ما نقلنه
الوكت من امتحنه ما نقلنه
واخذنا بكل درس اخلاق ميه
دمع عينــي يحلـو الطول هامل
شجاك لـ حبي يالمحبوب هامل
اذا فد يوم ازعلك گــول ها مل؟
امل منك جذب يلعشت بيه
هـلال العيــد هـلـهـل من شفيتك
و فطرت أبوســه آنـي من شفيتك
تـذكـّر يــــوم مـرضــك من شفيتك
احس أشفيت روحي من الاذيه
يلـ همومك ملابس لابستني
وثوب الحزن بيــدك لابستنـي
زعلت لا صالحتني لا بستني
كذباً ما گلت حقك عليه
صرت صوره وضعهه الوكت بيطار
لأن گلبي خذاه غراب بي طار
لو يحظر الرازي و بن بيطار
أشيّب راسهم ولعله هيّه
ادين الامك ومنسه شكرها
لان جابت حلو مثلك شكرها
حلات اشفافك من الله شكرها
وانا حب الحله ونفسي دنيه
اخطب شلع بالناس والساحة تشهد .. واعلن حظر تجوال لو غثك احد
ما ناسي والينساك ما عنده خوه .. بس الزمن مرات يلهينه گوه
ضيم وقهر وفراگ گلبي شيظل بيه .. گلبي اليموت عليك هم فكرت بيه
ياحد وصل وياك لو تدري حبي
بس تفتح بلوتوث تستلم كلبي
نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر عليه
احبك بس انتة غيرك ما هوينة
وعهدنة وياك باقي ماهو وينة
احط ايدي على قلبي ماهو وينة
اذا عندك دخيلك رده لية
عيوني من الدمع لجن وغارن
وعلي حيل الهجر هدن وغارن
اموتن من تحب غيري وغارن
اريدك بس تحبني وهاي هيه
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج