قصة حب شاب

قصة حب شاب لبنت الجيران في يوم من الايام اجو عائله المنطقتنا
جدد حطو يمنه. اني جنت ثالث متوسط اذكر فذوله الناس عدهم ابنيه الله يستر
عليها اسمها نور بس اشلون نور شمس وتشع من تمشي من تضحك احس ابروحي مطي
ابهاي الدنيه الشعر اسود عبالك الساعه ثنتين ب...الليل
العيون كتاله ملاك موابنيه. حبيت هاي البنيه متت عليها . اشوفها مرات
بالدربونه اموت اضل ماصيطر اردم بالحيطان چنت يوميه العصر ابدل واكشخ
واوگف اباب البيت حته من تطلع اتشوفني وفرحان امكيف عبالك رايح سفره من
تعبرمن يمي اضل بس ابتسم . اتباوع عليه هيه ابگلبها جنها اتگول امنين هذا
الاثول. فچنت الصبح من اروح للدوام للمدرسه اركب البايسكل مالتي واروح
من اوصل يم باب بيتهم اني افلت الزنجيل مالت البايسكل مالتي وابقه شگلك
اصلح بالزنجيل حته تطلع هيه للمدرسه مالتها واشوفها بقيت يمكن اسبوع
بعدين طلع دوامها عصري يوم منهن فلتت الزنجيل ونزلت اسويه طلع ابوها
شافني اشلون ابو هوه سمين وطويل اتگول تانكي مال ماي گلي شتسوي گتله
الزنجيل فلت گلي ولي منا لا اشبعك كتل گتله العفو عمي گلي عمه العماك
يوميه من الصطح اشوفك اتفلت الزنجيل وتنزل اتسويه شنو بنچرچيه احنه بعد
ماريد اشوفك هنا لا اهلسك هلس امشي ولي اخذت البايسكل وفلتت بالعزيزه
فرجعت كلعاده العصربدلت او وگفت بالباب هيه هم طلعت رايحه للمدرسه باوعت
عليها واني مقلص جسمي عله اساس العب حديد انه هيه اتباوعني ولاچن واحد
واگف حسبالها اني الناطور مالت المنطقه فاخذت البايسكل مالتي ورحت
ابراس الشارع وفلتت الزنجيل وضليت اسوي بيه وصلت يمي هيه چان اتگلي
انته اشبيك مريض اوراحت. اني بس ابتسم اوزع ابتسامات عليها واگف اثول بس
فاك حلگي ميت من الفرح وايديه گلها اگريزمن الزنجيل اني هم خليت ورجعت
للبيت فرحان طاير من الفرحه وگول الله الله اليوم گلتلي مريض باچر
اتگلي احبك امكيف . چلبتلها تچليب بالليل افكر بيها وبالنهار امبدل او
واگف اباب البيت وين ماتروح اروح وراها اتگول عربنچي بايسكلي وافتر
فبدلت مكاني عله اساس انه لوتي ضليت اروح لراس الشارع اتانيها وره اشويه
اجت هيه شافتني اكسر الخاطر حلگي صاير متر عله گد ما ابتسم گلتلي بس اريد
اعرف انته اشبيك شو دوم بايسكلك خربان وزنجيلك فالت وبس تبتسم واتباوع
عليه اشبيك گلتلها وبكل ثقه انه احبچ ضحكت اني هم ضحكت گلت يا الله راح
اتگلي اموت عليك چان اتگلي ابني انته مراهق بعدك روح راهق وتعال اومشت.
اني انقهرت اخذت البايسكل ومشيت مشيت سريع حيل سريع چانلك ايطگ التاير
وانجبح عله راسي ويومين بالمستشفى انفشخت ابراسي وايدي انفصخت وحال الضيم
حالي . ما گعدت وسكتت واكلت البوري المعدل الي اجه ترس ابوجهي وحمدت ربي
فعصريه من العصريات شفتها وهم لزگت الها گالت عوع هم انته ابو البايسكل
المخبل وين بايسكلك ما جايبه اليوم . گلتلها والله احبچ بس انطيني فرصه
اريد اعبرلچ عن مدى حبي الچ گلتلي ياحبك هوه انته مال حب انته مال خمس
طليان وتسرح بيهن كافي عليك گلتلها صدگيني احبچ هيه ضحكت گلتلي خوش باچر
تعال هنا وعبرلي عن حبك يا روميو ابو البايسكل. اني طگت مجاري الفرحه عندي
فد نوب ضليت ماشوف رحت ركض للبيت فرحان وامكيف بس دخلت البيت جبت
الاوتي وحضرت قميصي ورحت لصديقي اياد الله ايذكره بالخير اجيب بنطرون
دگيت الباب عله اياد گلي ها ولك اشبيك صاير اصفر ومگلوبه خلقتك گتله اياد
اخيك ايريد فد بنطرون عندي موعد غرامي باچر گلي عندي بنطرون استوني مشتريه
بعدني مالابسه انطيكيا بس ديربالك عليه گتله احطه بعيوني مويدلل
البنطرون اخذت البنطرون ورحت للبيت. ليلتها مانمت بس اغسل واكوي فرحان
واتخيل من راح تجي وتگلي حبيبي اتاخرت عليك خوما زعلان مني وانه اگلها لا
حياتي بس بعد لاتسويها خوش تره اعوفچ وهيه تبچي. المهم ضليت گاعد مانمت
اتاني العصر اشوكت يجي فه اجت لحضة اللقاء واجه العصر وياريته ما اجه
ولاشفته. اني هم بدلت وكشخت ولبست البنطرون مال اياد وخليت عطر وساعتين
امشط ابشعري ورحت لراس الشارع وگفت اتانيها ومبتسم واغني احبك ليش
ما ادري ما ادري مره اسال عيوني ومره عيوني تسالني احبك ليش ما ادري
هسه تجي ماكو بعد اشويه تجي انوب ضليت اشك گلت ايصير اني حلمان فه تعبت من
الوگفه گلت خل اگعد گعدت عله الرصيف وره اشويه بين حلم بين صدگ ماحسلك
اله واحد لزمني من علباتي افتريت باوعت عليه ولنه ابوها گلي ها گاعد
اتاني بايسكلك حته اتعبرله عن حبك ها اله ابنچر وجهك وطاب طيب طيح حضي
شبعني رفسات ايشيلني ويدگني بالگاع سواني تشريب اتولاني چلاليق طورشني
راشديات وين اليوجع صدگ بنچرت هوه ايدگ عليه وانه اگله ولك----- ولك
البنطرون ---------البنطرون البنطرون مال اياد هوه ايگلي انعل ابوك لابو
اياد وياك

ههههههههههههه
بس هاي شلون كتبتوها هههههههههه
شكرا خيوووووو
والله شي حلو ورائع