اخجل م يمر طارك عالروح

اخجل من يمر طاريك عالروح


*
*
*



هاك الكلب رايح اخذه وياك
ومن ترجع بذاك اليوم رجعه




ما يوجعني يمكن لمن تروح
بس متأكد انه الراح اوجعه




شكد يبجي عليك ونزل ادموع
ولا حسيت حقك ما تسمعه




بس اتمنه منك وكت الفراك
تجبر خاطره تنزله دمعه




اموتن اني اذا بس رايد تروح
شلون تكول اروح بغير رجعه




ولا تحجيلي عن الشوك وتروح
لتزيد المواجع بيه لتزيد




هيه الكاع من تشتاك للماي
بوجه الكاع تطلعلك تجاعيد




ينوح البلبل البلقفص مسجون
وعله نوحه الغشيم يكول تغريد




تره الفاكد عزيز بوحشة الليل
حته العيد لو مر يجرحه العيد




ما ريدن فرح لو مر بلياك
شريد ومني هو الفرح شيريد




يفيد الخيط صح للجفه مجروح
بس الخيط للمكطوع شيفيد




اخجل من يمر طاريك عالروح
ما احسبهه جي حسيتك بعيد




بس الجيب يخجل ساعة العوز
واحسه هواي يكره مدة الايد


ونه المشتاك جيتك من يجي الليل
مثل شوك المضايف للاجاويد

إشتيـــــــاقي لكِ غريب
إســــألِ إحساسكِ يجيب
إنــــــكِ النـــــور لحياتي
إنتِ شوقي وإنتِ ذاتي
إنتِ كل الحب فيني
...انتِ قلبي إنتِ عيني
إنتِ نبضي بالحياة
صار حبي لك جـــنـــوو




عاشت الايادي يا غالي منور منتدى حدايق الحشاشة
تقبل مروري البسيط

ربي لا يحرمنه من قلمك ياغالي

روعــــــــــــ وربي ــــــــة