(((انتهى الموضوع))))

أسعد الله اوقاتكم احبتي
(((انتهى الموضوع))))
طويناهه صفحتك وانتهى الموضوع
فعل ماضي صفيت وخلصت المده
أشتتوقع ابوس اجدامك من اتروح
واسحك كبريائي وأطلب النجده
صح جدمي عثر من شفت طولك لاح
لأكن مانخيتك منطحت عمده
توجيت أعله جرحي وما طلبت العون
لان ادري اليطيح اجفوفه التسنده
صح الكمر اكبر والنجوم ازغار
بس تحله ألسمه مو بالكمر وحده
وإذا ساكت تره مو لان ماكو ألسان
مرات الصمت من ألحجي ابده
وجف المايصافح جفك بالإحساس
لاتتعب عليه وتنتخي ابزنده
من اكتب شعر لاتعتقد بطران
البلابل بالقفص من ضيمهه امغرده
ما أصدك بعد دمعاتك من أتطيح
هم يهمل دمعهه العين لو رمــده
روح بلا وداع وكل اثر ماريد
واليكتب عالرمل يعرف قدر كتبـه

اهداء الى كل اعضاء منتدانا الغالين

شكرآآآآآآآآآآآ على المرور الجميل على موضوعي



تحياتي المعطره بارحه الورد لكم