شعر عراقي رووووووووووعه عن الحب (وينهن الجذابات)

السلام عليكم ورحمه الله وبركاته
رمضان كريم عليكم وعلى الشعب العراقي
اليوم جبتلكم شعر عن الخيانه وعن الحب وعن الجذب وكلشي
اخليكم وي الشعر


اني اذا حبيت احبك من ضمير روحي شمعه ليل تذبل من تحب
واني اذا اكرهك الله يستر من وراي وضلت بكيفك تكمل تنسحب
تريد تعشك راح تلكاني ملاك تريد تصعب راح تلكاني صعب
وانت اذا رايد لعب اهلن تعال هاي سهله وحته ما بيها تعب
العبك والعب على الي لعبو عليك العلمك تلعب اعلمه على العب
تريد من عندي عشق انطي حنان تريد من عندي ذهب انطي ذهب
تريد من عندي وصل انطي وفاك تريد تنطيني جذب تاخذ جذب
ولان واحد كلبي واحد يبقه بي اني ما عندي حبيبين بكلب
اني مثل النار تنطيها تزيد اذا تاخذ منها راح من يمك تشب
عيني اذا ما بيك تمليها حنان راح من تروح لجلك ما تصب
وباب كلبي اذا متحني بديك لو شلعت الباب ما تكدر تطب
تريد تكسرني صعب لين اصير تريد تلويني تركيني صلب
بكيفك اني شلون ما رايدني اصير جاهز اني ومنتضر عند الطلب
الخشب نفسه تريد تصنع بي خراب كرسي ملك تكدر تصنع بلخشب
اني طبعي وي العشق نخله وي كاع اذا ماكو الماي ما تنطي رطب
وابد لاتستغرب الحب لو عذاب هيه رحمه ولابسه هدوم الغضب
الحب جرح لمن نداوي نحتوي والجرح لمن نهجره يلتهب
بلعشق كلشي اكو كلشي يصير اكو بلغصب واكو لا مو غصب
لتستغرب لجل الي تحبه تموت بلعشق ماكو عجب بس العجب
ناس ماتت لجل التحبه يعيش وناس عاشت لجل الي تحبه يحب
بيوت عمرت بلعشق صارت قصور واكو بلحب الف بيت انخرب
ثنين يعني الحب اذا ثالث يفوت حرف ثالث فات تتحول حرب
المثل ميضربونه اذا عاشق اسير المثل مرات بلحب ينضرب
موش اكو حب يستمر يعني صحيح وموش اكو حب يستمر يعني نصب
اكو حب ينتهي بس ذكراه يعيش واكو حب يستمر بس اسمه نشطب
سبب حبك اذا تلكاه لا تكول احله حب لمن تحب بلا سبب
تحيااااااااااااتي

عاشت ايدك عمي ويا ربي دوم الابداع

شعر كارثه وربي

عاشت ايدك شعر على الجرح

تسلمون يا ذوق لمروركم الرائع
تحياتي الكم

كلام في غاية الاحساس والروعة تقل مروري ولاتحرمنا من كل جديدك

مشكور يا بعد روحي هذه شعر يهز القلب يعني شعر طاااك

تدلل حيب كلبي
اسعدني مرورك الرائع