ابوذيات حلوة

ولفي لاسأل مره عليــــــــه ولاحن
وسهام حبه وصلن لگــــلبي ولاحن
عجب اشلون ينسه عشرتنه ولاحن
ومن اذكره تـــــرد الروح اليه

,,,,,,,,,,,,,,,,,,,,,,,,,,,,,,,,,,,,*

الدهر لبراســــــــــــــه اجنون يمنه
غدر بينه الوكت وبالجار الچان يمنه
لچن ماتنتصر يســـــــرى بغير يمنه
ولايمنه وحدها اتحل قضيه

,,,,,,,,,,,,,,,,,,,,,,,,,,,,,,,,,,,,*

حجيتلج عن نفسي لمن التقيت وياج من اول مرة
وجنت ابقة على مودج لمن يتاخر خطج اكثر من مرة
وشكد الدنيا ملل وخـــــــــــــــــــــــــــــــــنكة ومرة
بس لمن عرفتج صارت حلوة عليه

,,,,,,,,,,,,,,,,,,,,,,,,,,,,,,,,,,,,*

يالي تنشد على حالـــــــــي ولوني
چنت مهيوب واحبـــــــــــــابي ولوني
حبيبي ايريد من لحمـــــــــي ولوني
اكلني وضحك الشامت عليه

,,,,,,,,,,,,,,,,,,,,,,,,,,,,,,,,,,,,*

زماني ويــــــــــــــــاك ما انصف بچيله
ولچ ياعين بســـــــــــــــــچ عاد بچيله
حبيبي اشـــــــــــــلون صوبني بچيله
راح گلبي وگف شامت عليه

رووعه يا مبدع
ما دامك موجود احنه مستمتعين وياك
لا تحرمنه من مواضيعك

كلش حلوه لا تحرمه من ابداعك