اذا تريد تصير محشش او محششة ما عليك بس تعال ادري وية حيدوري

السنان عليكنن
اهنن وسهنن
اكو هواية ناس متعرف تحشش اليوم حبيت احشش عليهم
قصدي اعلمهم شلون يحششون
اليوم كاعد بلبيت الجو حار بارد الشمس طالعة ودا احسب نجوم المطر ينزل زخات والدنيا ترابة وقالبة من الحر ومتغطي بلبطانية لان راح اموت من البرد
هسة نزلت للمطبخ جبت اكل لان كلش شبعان كد ما شبعان راح اموت من الجوع المهم اكلت جعت شبعت شربت جاي ابو الفتلة مدري شلون الكلاص كلة مفتول جاي يمشي صفح
خوش هسة بعد ما سوينا كل هذا نجي على الدرس ييلله كعدو صف واحد واحد ثنين تلاثة
اي خوش
انتة اسكت وانتة نزل ايدك
استاذ استاذ استاذ
شتريد وليدي هذا اني دا احجي وية طالب
لالا استاذ بس هيج ردت اشوف صوتي
ها اي لك مو جنت الباحة الى الدنكة دة طير حمام
اي استاذ بس وكع وحدة يمكم بله متجيبها
يلله خوش طلاب راح انعلس
المهم هسة نطلع من الدرس
نطلع شنو
قصدي ندخل بلدرس
هسة باع لكي تكون محشش
عليك ان تحفظ جم قانون مو مال نيوتن بس قوانين
منو كتبهن ما اعرف منو يستعملهن الحشاشة
اي نبدي بلفوانيس
فوانيس شنو لالاات شنو
اي اي هسة تذكرت
خليك فري وقول ون تو ثري
عيش حياتك وقابل صاحباتك
اذا جانت خربنانة خربانة فخربها بلزايد
طنش نعش تنتعش والاخر تفرفش
الحرب خدعة والشعر متة
كل فول تصير غول وعلى التبولة تصير مشغول
من ذاكر دفر ومن طنش انتصر
الوقت من حشيش فاحسلك تقضي تطنيش
طنش كل المواذ فهذي فرصة لاتعاد
لايهمك راي الناس خليك محشش وهذا الاساس
من حب البنات ضيع عمرة ومات
من حشش مات ومن مات فات وكل ما هو ات ات
العب حديد خليك عنيد تشوف الحياة بشكل جديد
اصرف المال وانسى العيال تحلى الحياة ما في مجال
انسى الي جرا ولاترجع لورا والي صار محد درا
لاتحب سارة ولاتعشق يارا عشان مخك لايصير طيارة
اشرب شيشة وعيش احلى عيشة
صحبة بنات الحلال احلى من الرسايل ومكالمات الجوال
الغش هو طريق النجاح وبدونه يخرب عليك الصباح.

هسة يا حشاشة اليوم خلصنا درس التحشيش ارد كل واحد يحفظ القوانين واذا محد حفظ القوانين يرسب بدرس التحشيش
هذا الدرس مقدم من قنوات تحشيشات التي تبث من سطح منتديات حدايق الحشاشة
هسة منتديات حدايق الحشاشة راح تبث نت
تربطة بلتلفزيون وتقبل الصفحات من الريمونت
بس اذا تريد اوك 24 ساعة
وبس بليل
واذا ما عندك فلوس ومحدق
اكو ساعين
بس قبل متشد النت لازم تروح على ابو المولدة الي براس الشارع تسحب خط مرة رحت
بس المشكلة انه بالاخير راد يبسطني ليييششش ؟؟؟؟
ما اعرف , والله ما سويتله شي بس هوة حوصلته ابكد اصبع رجله الصغير ما يتحمل شقة المهم لميت روحي و وجهّت نفسي بأتجاه راس
الشارع حيث تتواجد المولدة التكنوقراطية في الاحداثيات الكيفية اللي حطها
الكرين بيها ( راجع كتاب كيميا مال رابع ابتدائي اذا مدا تفتهم علية )
اتدعبلت ال ابو المولدةطك طك طك طك طك (هاي اني من دا امشي) و وصلت شفته ( أو خشمة والله ما أتذكر لأن جانت حارة شوية )
واكف و ابيدة سجل التقفيص مال الفلوس و بصفة اكو عامل ديشوف المولدة و
ديفحص بيها ,,المهم وصلت و بده الحجي( حجي لو شايب؟؟ ,, خخخخخخخخخخ (

-سلام علييييكم وجه و كفة مضروب قاط صبخ بنزركي فاتح شونك عمو ابو المولدة ؟؟؟

- شنووو شنو صبغ شنو فاتح هاي شبيك عمووو؟

- عمو هاي شبيك دعبلنا السلام بس انتة ما اتجاوب واذا سلام مال صباغين شكو بيها ؟

- ابني دعبلنا شنو ؟؟؟ شنو لاعب وياك دعابل قبل؟؟؟

- لا عمو لاعب ابخشمك خط وسط

- اللهم طولج يا روح ........أتفضل ؟؟

- لا عمو هستوني متغدي تسلم

- أبني ما عازمك على زقنبوت أتفضل يعني اشرايد ؟؟

- شرايد لو مجلات ؟؟؟ ها ها حلوة مو عمو؟ بس حلكها جبير

- ابني ... حبيبي شرايد مني ؟

- العفوعمو مو هذا المكان اللي دا اريد اوصل اله ؟؟؟

- و اني شمدريني انتة وين اتريد توصل ؟؟؟

- عبالي تعرف لان مبين عليك خوش رجال عمو و اذانك كبار يعني تركيبتك الآيديولوجية بيها تخمر ذهني خصم الحجي عمو انتة مو امخبل
يعني بس أشعجب انتة هم واكف هنا عبالك دا اريد اجيك و اجيتك يا سبحان الله !!!!

- ابني شدا اتخربط ؟؟؟ شنو شرايد مني ؟؟ ,,,,,فظنييي !!!

- مو هاي المولدة ؟؟

- لا ابني ,,,, كنتور

- لاعمو كنتور شنوو ؟ لعد وين الهدوم ؟؟ القبوط البازة و الفانيلات الجلد ؟؟ لا هذا بورد مال جوزات و هذا الكيس اقصد المحرك و هذا
الكابريتر أي والله وداعتي و هذاالكازكيت و هذا القفص مالتها ايخبل شنو عمو جايبة من سوك الغزل ؟؟

- أبني اشعندي ماليبو دا اشغل و بعدين شنو سوق غزل قفص مال بلابل كدامك ؟؟؟ هية مولدة اي مولدة والله مولدة و داعتك مولدة
شراييييييييددددددددد؟؟؟؟؟؟؟؟؟؟؟؟

- عمو زين هاي الجوزات تفتهم بالطب؟؟؟

- شنووووو؟ ولك يا طب ؟؟؟؟

- لعد مو عدها بورد؟؟؟؟؟ أي مو اللي يفتهم بالطب عندة بورد؟؟؟؟

- لك يا بورد يا دنكة مال ال خللفك أنتة شنو خبل ؟؟؟ لك بورد مال جوزاتهذا ,,,, لك شترييييييييييييييد؟؟؟؟؟

- هاي شبيك عمو كمت اتعضعض اب دشتاشتك و اتهلّس ابشعر راسك شنو ناسي شي بالكيا ؟؟؟ لو ناسي عجرم؟؟ اشو عصبي رايد اسحب
منك خط هاي شبيك ؟؟

- هاااا يا اهلا وسهلا ( ما احجيلكم ابو المولد اكبر مادي و ابو فليس رأسا بدل 180 درجة و ذب اللو اي عمي طبعا فلووووووووووس !! )
اي ابني تدلل عندي خطوط

- عمو رايدة أثيرالله ايخليك

- هوة شنوة أبني؟؟؟

- الخط

- نعلى على ساعة السودة اللي جبت بيها هال مولدة الكشرة ,, لك شنو أثير جاي تنصب علي؟؟؟؟؟؟؟

- لا عمو هاي شبيك عبالي تنطي خطوط مال موبايل وياها ما اقصد شي

) ابو المولد كام يباوع يمنة و يسرة حسيت ديريد يتذكر وين خلة التوثية بس الظاهر مدا يتذكر ويين )

- أبني انتة شكد رايد ؟؟

- رايد الماجد هع هع هع هع

- شنوو؟؟؟؟؟

- لا هيج عمو بس هوة شنوة؟؟؟

- الخط غيرر؟؟؟؟

- يا خط عموو؟؟؟

- أبني لا اتخبلني لعنة الله عال شيطان مو جاي تاخذ خط مني شنو نسييييت؟؟

- هااا أكوول ليش اني هنا اي عمو مرات انسى و هاي الحالة اتصير عندي من البس جواريب مبلله تدري مشاكل القرحة عمو

- عمو ديدردم و جنة ديريد يخابر عال 130 عليه

- خلص عمو اتذكرت رايد خط بس الجوزة عليك عمو

- لا ابني شون عليه؟؟

- اي عمو يعني عود انطيك فلوسها من ادفعلك القسط الشهري لهذه
المولدةالكهربائية الرائعة بأذن الله ( كلت خلي اصير مثقف براسه بلكت ينزلي
الف و نص شيي ) بس الجوزة خوما اتنفس؟؟؟؟


- شون اتنفس يعني؟؟ ليش راح اشدلك قنينة غاز عال بورد؟؟؟ولك انتة متخلف؟؟من يا كوكب جاي أنتة؟؟؟

- منكوكب الشرق أم كلثوم ,,,,,, لا عمو قصدي الجوزة خوما اتسرب كهرباق؟

- كهرباق؟؟؟؟ لا ما اتسرب كهرباق

- خوش لعد عمو أبو المولدة طكني أبجوزة بس شوية مستوية مو المرة أتخليني ارجعلكياها و نتخارب

- أللهم طولج يا روح ,,,زين أبني ,,, ميخالف ,,,,ام ال شكد؟؟؟

- ام ال 60امبير

- شنووو؟؟ ما عندي 60 امبير بعدين 60 امبير شصخم بيها؟؟؟؟

- مو الاتاري ما اخوية الصغير يسحب هواية خصوصا هاي مال الارنوب اللي ديعبر
الشارع و كلساع ينسحك لأن ابو المرور ماكو أمسافر السوريا و .....,,,,,

- اللهم صبرني يا رب ( ابو المولد خلص اتأكد انه اللي واكف كدامة لو امخبل لو امكبسل )

- زين عمو عندك واير فد 10 كيلوات

- ليش ابني شسوي بيه؟

- حتى اسحب منك غير؟؟

- ابني ليش 10 كيلوات ليش انتة وين مهجومك؟؟؟( الحكووليييي أبو المولد جنة راح يخبزني و يسويني خبز عروك للجهال(

- بالغزالية عمو ليش ؟؟؟ ترة خوش منطقة بس كلها طسات من تمطر اتصير عدنا مسابح أولومبيه و ,,,,

- لك انتة امخبل؟؟؟؟ لك انتة قرد؟؟؟؟؟؟ لك جايني للمنصور اتريد تسحب خط للغزالية ؟؟؟؟؟؟ منغولي انتة؟؟

- عمو ليش شنو ممنوع؟؟؟ والله ما اعرف ممنوع اذا بيها مسائلة و حبس ملازم عمي مابينا حيل للطلايب أني افلت عمو مع السلامة ,,, أبو
الكياااااااااااااااا أوكف (هاي أني دا أصيح (
- لك وليديلك تعال بابه وين امولي؟؟؟ لك ممنوع شنو دنهرب مخدرات؟؟؟ ابني اكثر شي 200 متر و حتى هاي صعبة

- عمو عمو عندي حل شنو رايك اشتري grid من شارع الصناعة وأسحب منك كهرباء وايرليس؟؟؟؟

- لك انتة اتريد تجلطنييييييييييييييييي؟؟؟؟؟؟؟ نعلى على اليوم اللي جبت بي هال مولدة الغبرة

أشو هذا راح ورة شوية جاب ويا قذيفة آر بي جي و طرررررمممممممممم عال مولدة بحيث صارت يورانيوم و هم مو منضب و أبو
المولد حاليا كاعد أبمستشفى المخابيل يرسم جوزات أم ال 20 عال الحايط و
المرض مالتة انه متصور نفسة راس توليد و محد مدا يعرف هذا شبي وليش
اي بس راحت المولدة وماكو خط نت مشكلة وهاي هية كاعد نحشش يلله مو مشكلة هسة افلت وارجعلكم بلدرس الجاي اريد الكل يحفظ هذا الدرس والقوانين خوش يلله خلي افلت مع الباي باي
[ندعوك للتسجيل في المنتدى أو التعريف بنفسك لمعاينة هذه الصورة]

عا [ندعوك للتسجيل في المنتدى أو التعريف بنفسك لمعاينة هذه الصورة] شت ايدك حيدور تحاشيش صاكه للتنكه
عمي انته مدرسه ومو جديد عليك هذه الابداع

شكرا لمروركم العطر بس احفظو القوانين وشوف شلون راح نصير حشاشة
[ندعوك للتسجيل في المنتدى أو التعريف بنفسك لمعاينة هذه الصورة]

تسلم حيدوري ههههههههه
تحشيش واصل للتانكي عاشت ايدك
انشاء الله دوم الابداع