محادثه بين الام وابنها

انه الوالدة وجور الوكت ذبني


آنه الوالدة وجور الوكت ذبني وأحس الروح راحت من رحت يبني
***
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
***
تكبر والأمل يبني كبر وياك لدارك من تطبها بلهفة أتلقاك
تصد عيني إعلى طولك والكبد يرعاك ماأدري تروح وتنفقد مني
***
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني
***
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
***
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
***
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
***
من بعدك أقضي بالحزن يومي يجيني الليل وأتوسد على همومي
كل لحظة أفز مرعوبة من نومي جنك مامتت آنه المتت جني
***
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني

اريد اكولج يا امي والله احبج
يمين فدوه اروح لدار اسمج
تغيم الروح لو اكولن يا يمه
حنيت الج والله وبجيت البارحه
حنيت الج والروح يمج رايحه
ضاكن عليه ذني الليالي
بس صورتج تبقى بخيالي
كلبج كريم ودوم يمه مسامحه
بأسمج تصيح صغار وكبار
يا ضوه عيوني وشمعه الدار
بطيبتج يا يمه يسولف الجار
حنيت الج
مو عذبتني ايام الفراق
ولشوفتج ياحبيبه والله اني مشتاق
انتي الحنينه وكلج اشواق
كلبج كريم ودوم يا يمه مسامحه
حنيت الج

طبعا بدون مجامله اجمل واحله كلام بحق الام بس الوالده تستاهل اكثر
وربي يحفظ كل ام
مني لك ارق واطيب التحيه والسلام موضوعك يستاهل اكثر من كلمه شكر

عاشت ايدك يا ورد الام ثم الام ثم الام الامي مدرسة واحنا تلاميذ بيها يا رب تحفظك كل ام عراقية لنها صبرت وتحملت تقبل مروري وموضوع رائع وكلام في غاية الروعة

بدون تعليق