شلون تحصل على كارت أبو العشرة

مـع السلامة




أأ أقصد:
السلام عليكم
..
شلونهم الربع




انشاء الله بخيـر




_\/\/\/\/\/\/\/\/\/\/\/\/\/\/_




اما بعـد




اليـوم جنت كاعدة بالحديقـة كَبال السبلت بصف المبردة جوة البنكة فوك الكرسي




وجـنت دا اباوع الفلم الفرنسي The transporter 2)
من بطولة ماجد ياسين




على قناة space toon
اللي مختصة بس اغاني اجنبية




دا اتصفح بالموقع جان تجيني صفنة طويـلة تلش تلش




صفــنت جان اكَول وية نفسي




: (ليش ما اسوي فد طريقة وأفيد الشعب ! ؟؟)




اجتني هاي الفكـرة اللي حتى الخبراء والبروفيسورية والاطباء الاجانب اتعجبوا بيهة




..::.. وطبعاً هاي الطريقة مضومنة ..::..
----




والطريقة سويتهة بخطوات كالاتي:




1- اذا جنت نايم تكَعد من النوم وتكوم تغسل وجهك بصابوونة ركي وتمشطـ شعركـ .




2- تكَول لماما ولبابا : ""(صباح الخيـر)"".




3- تطلع برة وتفتح باب الحوش(البيت) وتضل تمشي تمشي تمشي لحد ما توصل لأبو المحل وتجيب ريوكَ وتجي.






4- ترجع للبيت سالماً غانماً وتتريكَ وتغسل سنونك.




5- تطلع برة مرة لخ وتضل تمشي تمشي لحد ما توصل لأبو المحل .




6- تدخل للمحل بكل أدب وتكَول
: ""السلام عليكم""
ووراهة تكَول له : "" عمو عندك كارت ابو الـ 10 "" .
يعني
عراقنا+أثير+اَسيا
بس اتصالنا ماكو
هع هع




7- رح يكَوللك : ""اي عمو عندي بـ 1000 دينار "" .او ب 1000 ونص حسب المحلات التبيع مو كله سوى




8- تنطيه الفلوس و تنزل الكارت للموبايل مالتك وترجع للبيت.
(بس لازم تمشي ع الرصيف حتى لا تندعم)
----------






ها شلون طريـقة




انشاء الله تكون سهلة وواضحة
وانشاء الله تعجبكم

وصدكوني جربتها ونجحت 100%




يلة هلووو




يبوو أأأ أقصد باااااي

تحياتي الكوم..

مشكوووره خوش طريقه

هلا وغلا

هههههههههههههههههه
همزين اعرفت حته من اريد اسويها هههههههههههههههه\
شكرا يغاليه

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء

هلا وغلا
منورين اغاتي