.................................................
الواحد فرد ما يقبل التقسيم
بس انه انقسم وبدونك اتعدد
انقسم بدونك وانجمع وياك
لان كلي ويه كلك بيك يتوحد
شعرك ليله ظلمه توحشت عالريح
كلما هب عليهه اتلملمه بأسود
جفنك سمه ومجفي على رمشك ليل
وذا ترمش يظل فرقد يضرب بفرقد
فراشه نور اذنك والزلف خطاف
مرة يحط عليها ومرة يتعبد
عينك بحيرة بكل هدوء الليل
ودموعك نوارس لو مشت عالخد
شفتك شمس من تبتسم نصين
يكطعها البرق وبنصها يتجمد
على خدودك صور منقوشه من بوسات
اكلب بالصور ما باسك احد
حنجك صدر بجمه انصاغت من النور
اذا ماتت شمس من نور تتمدد
مثل مرمر ركبتك نص ذهب نص جام
وعيني الماي هاي العلصدر تركد
ونام اباب صدرك مذنب وينخاك
مثقالين الذهب ما شفعت الاحد
عشقتك ذرة ذرة وكمت اغار عليك
وذا محد يبوسك .. اكتل المحد
يبو ساق الجبن ليش فاتح باب
خوفي على الجبن بالعين يتفرهد
ويبو ايد الثلج لاتطلع بتموز
مو خوفي على الثلج خوفي على الخلك تبرد
وذا عمي هذا البياض منين
معقوله العظم فوك الجلد يصعد
على كلما تمر يجبرني حس البيك
اوصفنك لجن من وصفك اتردد
لذلك ما وصفتك واعتذر يهواي
وصفت الخيال المنك تولد
.....................
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج