يل عمرك إلك خلصته بس وياك
وانه وياك كلي وانه ماكو وياك
امد جفي الك وتمدلي جف من نار
وحس نارك ثلج ماجنهه نار جفاك
من اطيح روحي يكضهه جفك موت
ومن اطيح مو جف روحي تتلكاك
وتعال الروح تعبت والمسافه اطول
وسنين العمر كلمالهن تكصر
ولو دفتر واسجل جرح البفركاك
جا ماكفه جرحك سطعشس دفتر
واذا حبك ذنب ارضه انه بيك ذنوب
وكثرهن الك عد عله ماتكدر
وكلك هاك ذنبي وانته حاسب بيه
وامد جروح كلبي لساحتك محشر
وحاسبني عله كيفك مااكلك ليش
ذنبي وياك حبك وانت بيه ابصر
وماجني بعذاب وجنهه جنه وياك
واصيح اشا بنارك مااحسن حر
واتحمل عذابك جي احسن بيك
بس فركاك لحضه وداعتك مكدر
تعال متاني طيفك لو يمر لحظات
تعال الروح بعدك والله صارت ذر
تعال الدنيه وحشه وانته عني بعيد
وليلي وياي ينطر فجرك الماطر
والم عمري الك كد ماتطشر بيه
واصيرن كلي يمك وارجع اتطشر
» حظك اليوم2-12-2011 , حقيقة الابراج , شاهد برجك
» القاب الرجال والنساء من كل برج
» فقط فتشي عن برجكِ لتعرفي أي نوع من الأمهات أنتِ
» ابراج اليوم الاربعاء 4-4-2012 الابراج الفلكية الأبراج ليوم 4-4-2012
» برجك يوم الثلاثاء(25/10/2011)
» ابراج يوم 24/6/2011
» حظــــــــــــــك ليـــــــوم الاربعـــــــــــاء 26/10/2011
» تحليل شخصيتك اكتشفها بنفسك
» مقياس عصبية كل برج